اسلام آباد۔19ستمبر (اے پی پی) پاکستان اتے سعودی عرب وچ??ل ہک تاریخی سٹریٹجک دفاعی معاہدہ ݙوہیں ملکاں دی خطے اچ سلامتی، امن اتے تکڑے دفاعی تعاون دے سانجھے عزم کوں ظاہر کریندے ۔وزیراعظم محمد شہباز شریف اتے سعودی ولی عہد شہزادہ و وزیراعظم محمد بن سلمان بن عبدالعزیز آل سعود ریاض اچ ایں تاریخی معاہدے تے دستخط کیتے۔ وزیراعظم دا اے دورہ 15 ستمبر کوں دوحہ اچ منعقدہ ہنگامی عرب-اسلامی سربراہی اجلاس دے پچھوں تھیا جیڑھا قطر تے اسرائیلی فضائی حملیں دے بعد سݙیا ڳیا ہئی، وزیراعظم شہباز شریف ایں اجلاس اچ پاکستان دی نمائندگی کیتی۔ وزیراعظم اجلاس توں خطاب اچ اسرائیلی جارحیت دی سخت مذمت کیتی اتے فلسطینی کاز دے نال پاکستان دے “مضبوط عزم” اتے قطر اتے ٻئے مسلم ملکاں دے نال سانجھ دا اظہار کیتا۔ صدر مملکت آصف علی ذرداری دے جاری دورہ چین دے دوران زراعت، پیشہ ورانہ تربیت اتے ماحولیاتی تعاون دے معاہدیں تے دستخط تھئن۔ ترجمان دفتر خارجہ سفیر شفقت علی خان ہفتہ وار پریس بریفنگ اچ ݙسایا جو اے معاہدہ 17 ستمبر کوں وزیراعظم شہباز شریف اتے سعودی ولی عہد اتے وزیراعظم شہزادہ محمد بن سلمان بن عبدالعزیز آل سعود دے وچ??ل سرکاری ڳالھ مہاڑ دے بعد طے پاتے۔ ترجمان آکھیا جو “ݙوہیں رہنماواں تقریباً اٹھ ݙہاکیاں تے کھنڈی تاریخی اتے سٹریٹجک سانجھے داری دی تصدیق کیتی جیڑھا اسلامی یکجہتی، سانجھیاں قدراں اتے نیڑے دے دفاعی تعاون تے مبنی اے۔ ترجمان مزید آکھیا جو ایں معاہدے دے تلے ݙوہیں ملکاں اچوں کہیں ہک تے وی کیتی ونڄݨ آلی جارحیت کوں ݙوہیں تے حملہ سمجھیا ویسی جیں نال آپت دے اعتماد اتے سانجھے دفاع دے عزم دی وسعت صاف تھیندی اے۔ ترجمان دفتر خارجہ آکھیا جو وزیراعظم شہباز شریف شاہ سلمان بن عبدالعزیز آل سعود دی صحت چنڳی تھیوݨ اتے سعودی عرب دے عوام دی ترقی و خوشحالی کیتے نیک خواہشات دا اظہار کیتا اتے سعودی عرب دے گرمجوش استقبال اتے فراخدلی تے بھرپور اظہار تشکر کیتا۔ ولی عہد شہزادہ محمد بن سلمان وی پاکستان دی سلامتی، ترقی اتے خوشحالی کیتے نیک خواہشات دا اظہار کیتا۔ ترجمان آکھیا جو وزیراعظم دا اے دورہ 15 ستمبر کوں دوحہ اچ منعقدہ ہنگامی عرب-اسلامی سربراہی اجلاس دے پچھوں تھیا جیڑھا قطر تے اسرائیلی فضائی حملیں دے بعد سݙیا ڳیا ہئی۔ وزیراعظم شریف ایں اجلاس اچ پاکستان دی نمائندگی کیتی جیں اچ نائب وزیراعظم / وزیر خارجہ، وزیر دفاع، وزیر اطلاعات اتے آرمی چیف فیلڈ مارشل سید عاصم منیر سودھے ٻئے سینئر اہلکاراں وی شرکت کیتی۔ ترجمان آکھیا جو وزیراعظم اجلاس توں خطاب اچ اسرائیلی جارحیت دی سخت مذمت کیتی اتے فلسطینی کاز دے نال پاکستان دے “مضبوط عزم” اتے قطر اتے ٻئے مسلم ملکاں دے نال سانجھ دا اظہار کیتا جنہاں کوں بلاجواز جارحیت دا نشانہ بݨایا ڳیا۔ انہاں اقوام متحدہ دی انسانی حقوق کونسل اچ اسرائیلی کاروائیاں تے وقتی ڳالھ مہاڑ کیتے پاکستان دے مطالبے تے روشنی پاتی اتے “ودھدی ہوئی اسرائیلی جارحیت” دا مقابلہ کرݨ کیتے اسلامی اتحاد دی لوڑھ تے زور ݙتا۔ اجلاس اچ اپنائے ڳئے سانجھے اعلان نامے “بین الاقوامی قانون اتے انسانی حقوق دیاں اسرائیلی خلاف ورزیاں کیتے ایں کوں ذمے وار ٹھہراوݨ کیتے 50 توں ودھ عرب اتے اسلامی ملکاں دے سانجھے عزم” دا مظاہرہ کیتا۔ اجلاس دے دوران وزیراعظم شہباز شریف قطر دے امیر، سعودی ولی عہد، اردن دے با??شا?? اتے مصر اتے ایران دے صدور دے نال ݙو طرفہ ملاقاتاں وی کیتیاں جیں نال پاکستان دی سفارتی رسائی اچ مزید وھارا تھیا۔ ترجمان متوازی سفارتی مصروفیات تے وی بریفنگ ݙتی جیں اچ صدر مملکت آصف علی زرداری دا جاری دورہ چین ش??مل اے، جتھاں زراعت، پیشہ ورانہ تربیت اتے ماحولیاتی تعاون دے معاہدیں تے دستخط تھئے، نال ہی نائب وزیراعظم دے مصر، جرمنی اتے امریکہ دے آپݨے ہم منصباں دے نال اڄوکے ٹیلیفونک رابطتے تے وی روشنی پاتی ڳئی۔ ترجمان چھیکڑ اچ سعودی عرب، چین اتے ٻئے اتحادیاں دے نال آپݨی تاریخی سانجھے داری کوں تکڑا بݨاوݨ دے پاکستان دے عزم دی تصدیق کیتی جݙاں جو فلسطین اتے کشمیر اچ خاص طور تے مظلوم عوام کیتے امن، خودمختاری اتے حقوق دی اصو??ی حمایت کوں برقرار رکھیا۔
پاکستان اتے سعودی عرب وچال تاریخی سٹریٹجک دفاعی معاہدہ ݙوہیں ملکاں دی خطے اچ سلامتی، امن اتے مضبوط دفاعی تعاون دے سانجھے عزم کوں ظاہر کریندے ، ترجمان دفتر خارجہ دی ہفتہ وار پریس بریفنگ
اسلام آباد۔19ستمبر (اے پی پی) پاکستان اتے سعودی عرب وچال ہک تاریخی سٹریٹجک دفاعی معاہدہ ݙوہیں ملکاں دی خطے اچ سلامتی، امن اتے تکڑے...
مضمون کا ماخذ : لاٹری ٹکٹ کے نتائج
.jpg)
.jpg)
